"Sabah"dan darmadağın, "Zirə"dən səfər qələbəsi
Azərbaycan Premyer Liqasında bu gün XIX tura start verilib.
Msport.az xəbər verir ki, turun ilk oyun günündə iki qarşılaşma baş tutub.
Əvvəlcə “Sabah” evdə “Araz-Naxçıvan”la üz-üzə gəlib. “Sabah” rəqibini 4:1 hesabı ilə məğlub edib. Valdas Dambrauskasın komandası ən yaxın izləyicisi “Qarabağ”ı 7 xal qabaqlayır.
Günün son matçı Sumqayıtda baş tutub. Şəhərin eyniadlı komandası “Zirə”ni qəbul edib. Gərgin mübarizə şəraitində keçən qarşılaşmanın son dəqiqələrində vurulan qol sayəsində “Zirə” səfərdə 3:2 hesablı qələbə qazanıb. Bu qalibiyyət sayəsində “Zirə” xallarının sayını 32-yə çatdırıb və 3-cü pilləyə yüksəlib. “Sumqayıt” isə 30 xalla 5-ci yerə düşüb.
Premyer Liqa
XIX tur
8 fevral
16:00. “Sabah” – “Araz-Naxçıvan” 4:1
Qollar: U. Raxmonaliyev, 9-pen, A. Maluda, 11, X.Əliyev, 16, 68 – F.Santos, 86
Hakimlər: Tural Qurbanov, Asiman Əzizli, Müslüm Əliyev, Əli Əliyev
VAR: Rəvan Həmzəzadə
AVAR: Emin Əliyev
Hakim-inspektor: Zöhrab Qədiyev
AFFA nümayəndəsi: Elçin Məmmədo
“Bank Respublika Arena”
18:30. “Sumqayıt” – “Zirə” – 2:3
Qollar: N.Ninkoviç, 26, A.Ramalinqom, 50 – D.Volkov, 24, Q.Alıyev, 35, G.Papunaşvili, 88
Hakimlər: İnqilab Məmmədov, Rahil Ramazanov, Teymur Teymurov, Alik Yunusov
VAR: Rauf Cabarov
AVAR: Kamran Əliyev
Hakim-inspektor: Əmrah İbrahimov
AFFA nümayəndəsi: Anar Şıxəliyev
Mehdi Hüseynzadə adına Sumqayıt şəhər stadionu
Qeyd edək ki, XIX tura fevralın 10-da yekun vurulacaq.
