Çempionlar Liqası: İlk yarımfinalçılar müəyyənləşəcək
UEFA Çempionlar Liqasında 1/4 final mərhələsinin cavab oyunları start götürür.
Msport.az xəbər verir ki, ilk gündə iki matç keçiriləcək.
Bununla ilk yarımfinalçılar müəyyənləşəcək. Dortmund “Borussiya”sı evdə “Barselona”nı qəbul edəcək. İlk görüşdə 4 cavabsız qolla qalib gələn ispanlar üçün bunu formal matç adlandırmaq olar.
PSJ isə doğma arenasında 3:1 hesabı ilə üstələdiyi “Aston Villa” ilə bu dəfə səfərdə üz-üzə gələcək.
UEFA Çempionlar Liqası
1/4 final, cavab oyunları
15 aprel
23:00. “Borussiya” (Dortmund, Almaniya) – “Barselona” (İspaniya)
İlk oyun – 0:4
23:00. “Aston Villa” (İngiltərə) – PSJ (Fransa)
İlk oyun – 1:3
Qeyd edək ki, 1/4 final mərhələsinin digər iki cavab matçı sabah keçiriləcək.
