Premyer Liqa: Mövsümün azarkeş rekordu qırıldı
Azərbaycan Premyer Liqasında mövsümün azarkeş rekordu qırılıb.
Msport.az xəbər verir ki, 8-ci turda oyunlara ümumilikdə 30 min 800 tamaşaçı toplaşıb.
Bununla 4-cü tura məxsus 24 min 512 nəfərlik azarkeş rekordu yenilənib. 8-ci turdakı rekordda 2 oyunun rolu böyük olub. Belə ki, “Kəpəz” – “Zirə” matçını 13 min 800, “Qarabağ” – “Neftçi” qarşılaşmasını isə 13 min 500 nəfər tribunadan izləyib.
“Kəpəz” – “Zirə” oyunundakı azarkeş sayı mövsümün hələlik ən yaxşı 3-cü göstəricisidir. Tamaşaçı sayı baxımından ən məhsuldar iki görüş də məhz Gəncə şəhər stadionuna təsadüf edib. “Kəpəz”in “Şamaxı” ilə ev oyununa 15 min, “Sumqayıt”la matçına isə 14 min 500 nəfər baxıb.
