Utziq Bakıya döndü - Türkiyə toplanışında iştirak etməyəcək
“Qəbələ”nin futbolçusu Rafael Utziq Bakıya gəlib. Msport.az saytına açıqlamasında klubun baş meneceri Nail Kərimov bu haqda məlumat verib. Onun sözlərinə görə, braziliyalı futbolçu Antalyadakı toplanışda iştirak etməyəcək. “Qırmızı-qaralar” 3 gündən sonra Azərbaycana dönəcəklərindən hücumçunun düşərgəyə qoşulması məqsədə uyğun sayılmayıb.
Vətənində olarkən COVİD-ə yoluxan 26 yaşlı forvard bir neçə gün ərzində özünə gəldikdən sonra komandanın Bakıdakı hazırlığında iştirak edəcək.
Qeyd edək ki, müqaviləsi iyunda başa çatacaq Utziqin “Qəbələ”dən ayrılacağı ilə bağlı söz-söhbət gəzirdi.
