AFFA U-13 Liqasındakı hadisə ilə bağlı açıqlama yaydı
AFFA U-13 Liqasında baş vermiş hadisə ilə bağlı açıqlama yayıb. Msport.az xəbər verir ki, sosial şəbəkədə U-13 Liqasında oyunların cırıq toplarla keçirilməsi barədə foto paylaşılıb.
Federasiyanın məlumatında deyilir ki, bunlar ehtiyat toplardır:
“Bu toplar hər hansı fors-major vəziyyətdə istifadə olunur. Bu gün səhər saatlarında yeni toplar gətirilməli idi. Oyunların vaxtında başlaması, gecikməməsi üçün birinci hissələr ehtiyat toplarla oynanıldı. Növbəti oyunlarda artıq komandalar yeni toplarla təmin olundular. Topların gec gəlməsi ilə bağlı tərəfimizdən araşdırma aparılacaq və müvafiq addımlar atılacaq”.
