Premyer Liqa: “Neftçi”yə 1 qol bəs etdi
Azərbaycan Premyer Liqasının XI turunda “Neftçi” “Kəpəz”lə üz-üzə gəlib.
Msport.az xəbər verir ki, “Palms Sports Arena”da baş tutan oyun Bakı komandasının qələbəsi ilə yekunlaşıb – 1:0.
Qolu 67-ci dəqiqədə Alen Şkribek vurub. Qələbə sayəsində xallarının sayını 24-ə çatdıran “Neftçi” turnir cədvəlində liderliyini möhkəmləndirib. Gəncə kollektivi isə 17 xalla beşincidir.
Qeyd edək ki, turun əvvəlki qarşılaşmasında “Turan Tovuz” səfərdə “Qarabağ”a (1:0) qalib gəlib. “Zəfər turu”na noyabrın 8-də yekun vurulacaq.
