“Araz-Naxçıvan”ın daha bir zədəlisi qayıtdı
Azərbaycan kubokunun 1/4 final mərhələsinin cavab oyununda “Zirə” ilə qarşılaşacaq “Araz-Naxçıvan” hazırlığını davam etdirir.
Msport.az xəbər verir ki, məşqdən əvvəl keçirilən iclas zamanı Xocalı faciəsinin qurbanlarının əziz xatirəsi yad edilib, faciə ilə bağlı futbolçulara məlumat verilib. Zədəli futbolçulardan Bəxtiyar Həsənalızadənin ardınca Ömər Buludov da komanda ilə birgə məşqlərdə iştirak edir.
Qeyd edək ki, bu komandalar arasında keçirilən ilk oyunda komandamız 1:0 hesabı ilə qələbə qazanıb. Cavab oyunu fevralın 28-də Zirə İdman Kompleksinin stadionunda keçiriləcək.
