“Araz-Naxçıvan”ın rəqibində yeni qapıçı
“Araz-Naxçıvan”ın Konfrans Liqasının II təsnifat mərhələsindəki rəqibi “Aris” heyətinə yeni futbolçu qatıb.
Msport.az xəbər verir ki, bu barədə klubun mətbuat xidməti məlumat yayıb.
Yunanıstan təmsilçisi AEK-dən Georgios Atanasiadisi transfer edib. 32 yaşlı qapıçı ilə 1 illik müqavilə imzalanıb.
Qeyd edək ki, “Araz-Naxçıvan” “Aris”lə ev oyununu iyulun 24-də, səfər matçını isə iyulun 31-də keçirəcək.
