Azər Bağırov: “Məğlubiyyətlərin hamısı məyusluq yaradır”
“Kəpəz” Misli Premyer Liqasının XIV turunda Tovuzda “Araz-Naxçıvan”a 0:2 hesabı ilə məğlub olub.
Msport.az xəbər verir ki, Gəncə təmsilçisinin baş məşqçisi Azər Bağırov matçdan sonra keçirilən mətbuat konfransında jurnalistlərin suallarını cavablandırıb:
– Gəncə azarkeşlərinə təşəkkür edirəm. Komandanı sona qədər dəstəklədilər. İki fərqli hissə izlədik. İlk yarıda oyunumuz alınmırdı. İkinci hissədə dəyişikliklər etdik. Amma qolu vura bilmədik.
Sarı vərəqə gördüyünüz epizodu necə dəyərləndirirsiniz?
– Axır vaxtlar bir az emosional olmuşam. Bu da son oyunlara görədir. Biz də özümüzü tənzimlənməliyik.
Keçmiş komandanıza məğlubiyyətin məyusluğu var?
– Məğlubiyyətlərin hamısı məyusluq yaradır. Rəqibin fərqi yoxdur. Bu gün önəmli olan “Kəpəz”in xal qazanması idi.
