Azərbaycan Kuboku: I təsnifat mərhələsi başa çatır
Azərbaycan Kubokunun I təsnifat mərhələsi bu gün başa çatacaq.
Msport.az xəbər verir ki, günün yeganə matçında “Dinamo” və “Füzuli” komandaları qarşılaşacaq.
Oyun saat 13:30-da start götürəcək. Qalib tərəf II təsnifat mərhələsində “Səbail”lə üz-üzə gələcək.
Azərbaycan Kuboku
14 oktyabr
13:30. “Dinamo” – “Füzuli”
Hakimlər: Ruslan Quliyev, Səbuhi Əmrahov, Səbuhi Soltanov, Namiq Bəkirov.
Hakim-inspektor: İmanxan Sultani.
Neftçi Futbol Mərkəzi.
Qeyd edək ki, daha əvvəl “Şahdağ Qusar” “Kür-Araz”ı (3:1), “Şəfa” “Saatlı-Araz”ı (2:0), “Şəmkir” “Şəki City”ni (1:0), “Ağdaş” “Lerik”i (4:0), “Şimal” “Qusar”ı (4:1), “Hypers Guba” “Göygöl”ü (3:2) məğlub edərək növbəti raunda yüksəlib.
