Azərbaycan Kuboku: “Neftçi” yarımfinalın bir addımlığında
Azərbaycan Kubokunda 1/4 final mərhələsi start götürüb.
Msport.az xəbər verir ki, bu gün ilk oyun keçirilib.
“Kəpəz” Tovuzda “Neftçi”ni qəbul edib. Görüş qonaqların 2:0 hesablı qələbəsi ilə yekunlaşıb. Bakılıların heyətində 35-ci dəqiqədə Ağadadaş Salyanski topu boş qapıdan keçirərək hesabı açıb. Son nöqtəni isə 69-cu dəqiqədə başla Yuri Matias qoyub.
Səfər qalibiyyəti “Neftçi”ni yarımfinala bir addım yaxınlaşdırıb. Bu komandalar arasında cavab matçı fevralın 28-də “Neftçi Arena”da keçiriləcək.
Qeyd edək ki, bu gün və sabah mərhələnin digər oyunları olacaq.
