featured-image-60908

CBC Sport Azərbaycan Premyer Liqasının 21-ci turunda keçirilən “Turan Tovuz” – “Səbail” oyununda (1:1) baş verən hadisə ilə bağlı bəyanat yayıb. Msport.az bəyanatı təqdim edir:

“Misli Premyer Liqasının 21-ci turunun “Turan Tovuz” – “Səbail” görüşünün 45-ci dəqiqəsində “Səbail”in üzvü Süleyman Alluşa sarı vərəqə göstərilib. Texniki xəta səbəbindən sarı vərəqənin efirimizdə “Turan Tovuz”un qapıçısı Sergey Samoka göstərildiyi qeyd edilib. Nəticədə ikinci hissədə Sergey Samok sarı vərəqə alarkən bu da tamaşaçılar və azarkeşlərlin haqlı çaşqınlığına səbəb olub. Texniki səhv nəticəsində yaranmış anlaşmazlığa görə futbol ictimaiyyəti və azarkeşlərdən üzr istəyirik. “CBC Sport” yarandığı gündən dəqiqliyə, obyektivliyə və yüksək keyfiyyətli, dünya standartlarına uyğun yayım etmək üçün çalışır. Təəssüf ki, bəzən bu cür səhvlər, xoşagəlməz hallar olur. Bir daha buraxılan səhvə görə üzr istəyirik. Əmin ola bilərsiniz ki, “CBC Sport” bundan sonra yüksək səviyyəli yayım etməyə calışacaq.

Anlayışınız üçün təşəkkür edirik”.
Qeyd edək ki, adıçəkilən oyundan sonra sosial şəbəkəlrdə ciddi müzakirələr aparılıb, azarkeşlərin bir çoxu hakimin ciddi səhvə yol verdiyini güman edib.

Bənzər xəbərlər