Dominikanlı Ronaldo "Sumqayıt"da
“Sumqayıt” heyətini yeni futbolçu ilə gücləndirib. Msport.az xəbər verir ki, “gənclik şəhəri” təmsilçisi Ronaldo Vaskez Juniorla anlaşıb.
Dominikan Respublikası millisinin üzvü ilə 1,5 illik müqavilə bağlanıb. 25 yaşlı yarımmüdafiəçi son olaraq Boliviyanın “Quabira komandasında çıxış edib. O, “Sumqayıt”da 23 nömrəli formanı geyinəcək.
Ronaldo Junior karyerası ərzində yetirməsi olduğu “Atletiko Pantoxa” (Dominikan Respublikası) ilə yanaşı “Hapoel” (Tel-Əviv, İsrail) və “Quabira” (Boliviya) klublarında da oynayıb. O, 41 dəfə formasını geyindiyi Dominikan Respublikasının milli komandasında 6 qol vurmağa da müvəffəq olub.
