Elmar Baxşıyev qrafikdən şikayətləndi
Azərbaycan Premyer Liqasının XXIX turunda keçirilən “Araz-Naxçıvan” – “Sumqayıt” oyunundan (2:0) sonra meydan sahibi komandanın baş məşqçisi Elmar Baxşıyev mətbuat konfransında iştirak edib.
Msport.az xəbər verir ki, mütəxəssis oyunla bağlı fikirlərini bölüşüb.
“Ağır oyun alındı. Belə qrafikdə oynamaq çətindir. 4 gündən bir oynayırıq. Düşünürəm ki, komandam meydançada yaxşı iş ortaya qoydu. Komandamı təbrik edirəm. Qarşıdakı oyunlara hazırlaşacağıq. Mövsümün sonudur. Önümüzdəki oyunlara nə qədər köklənsək, o qədər də faydası olacaq”.
