“İmişli” son dəqiqə qolu ilə qələbə qazandı
Azərbaycan Premyer Liqasının IX turunda daha bir görüş baş tutub.
Msport.az xəbər verir ki, “İmişli” “Şamaxı”nı qəbul edib.
Yevlax şəhər stadionunda keçirilən görüş “İmişli”nin 2:1 hesablı qələbəsi ilə başa çatıb. Meydan sahiblərinin heyətində Dioqo Almeyda (17) və Seyxan Fərəcov (90+2-p.) fərqlənib. “Şamaxı”nın yeganə qolunu isə 65-ci dəqiqədə Abdullahi Şuaybu rəqib qapısından keçirib.
Bu nəticədən sonra xallarının sayını 10-a yüksəldən “İmişli” turnir cədvəlində 8-ci pilləyə yüksəlib. “Şamaxı” isə 13 xalla 7-ci yerdə qərarlaşıb.
Qeyd edək ki, turun əvvəlki oyunlarında “Qəbələ” “Araz-Naxçıvan”ı (2:1), “Zirə” “Sumqayıt”ı (3:2), “Kəpəz” isə “Şəfa”nı (2:1) məğlub edib. “Neftçi” – “Turan Tovuz” matçı heç-heçə başa çatıb – 1:1.
