Juninyo: "Əlimdən gələni etməyə çalışıram"
“Son oyunlarda fürsətlərdən istifadə edə bilmirəm”.
Msport.az xəbər verir ki, bunu “Qarabağ”ın futbolçusu Olavio Juninyo deyib.
Braziliyalı hücumçu Avropa Liqasının Liqa yolunda “Malmö” (İsveç) ilə oyun öncəsi mətbuat konfransında qarşılaşma ilə bağlı fikirlərini açıqlayıb. O bildirib ki, azarkeşləri sevindirmək üçün əllərindən gələni edəcəklər: “Bunu düzəltmək üçün məşqlərdə daha çox çalışır, əlimdən gələni etməyə çalışıram. Sabah azarkeşlərimizi sevindirməyə çalışacağıq”.
Qeyd edək ki, “Qarabağ” – “Malmö” oyunu oktyabrın 3-də saat 20:45-də başlayacaq.
