"Kəpəz" tacikistanlı futbolçunun transferini açıqladı
Premyer Liqada qalmaq uğrunda mübarizə aparan “Kəpəz” heyətini daha bir futbolçu ilə gücləndirib.
Msport.az xəbər verir ki, Gəncə təmsilçisi Tacikistan millisinin üzvü Şervoni Mabatşoevlə anlaşıb. 24 yaşlı yarımmüdafiəçi ilə 6 ay+1 il müddətinə müqavilə imzalanıb.
Şervoni karyerasında ilk dəfə legioner kimi Azərbaycanda çıxış edəcək. O, buna qədər yalnız Tacikistan klublarının şərəfini qoruyub. O, son olaraq “İstiklol” klubunun formasını geyinib.
Mabatşoev Tacikistan millisində 29 oyunda 6 dəfə fərqlənib.
