Kurban Berdiyev: “Zirə” layiqli qələbə qazandı”
Azərbaycan Premyer Liqasının XXV turunda keçirilən “Turan Tovuz” – “Zirə” (0:2) matçından sonra meydan sahibi komandanın baş məşqçisi Kurban Berdıyev jurnalistlərin suallarını cavablandırıb.
Msport.az xəbər verir ki, mütəxəssis əvcəlcə oyunla bağlı fikirlərini bölüşüb:
– “Zirə” kimi komandaya qarşı ilk dəqiqələrdə qol buraxmaq sonradan toparlanmaq baxımından çətindir. Onların əks-hücumları təhlükəli olur. Dəyişikliklərdən sonra mərkəzi onlara vermiş olduq. Layiqli qələbə qazandılar. Rəqibi təbrik edirəm.
– Avrokuboklara gedə bilməsəniz, istefa verəcəksiniz?
– Məqsədimiz avrokuboklara getməkdir. Yalnız avrokuboklara gedəcəyimiz təqdirdə uğurlu nəticə əldə etmiş olacağıq.
– Geridən hücum qurmaqda çətinlik çəkirsiniz?
– Müəyyən problemlər var. Bunları müzakirə edirik.
– Komanda oyuna çox aqressiv başlayanda nədənsə nəticə uğursuz olur. Bunu necə izah edərdiniz?
– Lazım olan oyunlarda aktiv oynayırıq. “Zirə” isə əks-hücumlarda aktivdir. Elə ilk hücumu da penalti və qolla nəticələndi.
