Luis Enrikenin PSJ-də aldığı maaş müəyyənləşdi
PSJ-nin baş məşqçisi Luis Enrikenin yeni müqaviləyə əsasən alacağı maaş müəyyənləşib.
Msport.az xəbər verir ki, 2030-cu ilə qədər nəzərdə tutulan anlaşmaya görə, ispaniyalı mütəxəssis mövsümə 20 milyon avro qazanacaq.
Əvvəlki müqaviləyə əsasən, məşqçi ildə 12 milyon avro alırdı.
Paris klubunun rəhbəri Naser Əl-Xəlaifi Luis Enrikeni dünyanın ən yaxşı məşqçisi hesab edir.
Fransa təmsilçisi sentyabrın 4-də baş məşqçi ilə müqavilənin uzadıldığını açıqlayıb.
O, 2023-cü ilin yayından PSJ-yə rəhbərlik edir. Komanda ispaniyalı məşqçinin dövründə iki dəfə Çempionlar Liqasını qazanıb.
