Millimiz ikinci oyunda da Rusiyaya uduzdu
Futbol üzrə qadınlardan ibarət Azərbaycan milli komandası Rusiya ilə ikinci yoxlama oyununu keçirib. Msport.az xəbər verir ki, “Soçi” klubunun bazasında baş tutan görüş meydan sahiblərinin minimal hesablı qələbəsi ilə yekunlaşıb – 1:0.
Matçda yeganə qolu 29-cu dəqiqədə Yana Svistunova vurub.
Qeyd edək ki, Siyasət Əsgərovun komandası ilk qarşılaşmada da Rusiya seçməsinə 0:1 hesabı ilə uduzmuşdu.
