"Neftçi"də "Qarabağ"la oyun öncəsində ciddi itki
“Neftçi” “Qarabağ”la oyuna ciddi itki ilə çıxacaq. Msport.az xəbər verir ki, paytaxt klubunun yeni transferi Elvin Camalov Azərbaycan derbisində komandasına kömək edə bilməyəcək.
“Sabah”dan transfer olunmuş futbolçu “Zirə” ilə son matçda zədələnmişdi. Həkimlər zədənin ağırlaşmaq ehtimalı olduğu üçün yarımmüdafiəçinin oynamamasını məsləhət görüb.
Qeyd edək ki, “Neftçi” “Qarabağ”ı fevralın 16-da saat 19:00-da qəbul edəcək.
