Rəşad Sadıqov 1:7-dən sonra paylaşım etdi - "Buna layiq deyildiniz" - FOTO
Azərbaycan Premyer Liqasının 7-ci turunda “Qarabağ”a darmadağınla uduzan (1:7) “Zirə”nin baş məşqçisi Rəşad Sadıqov paylaşım edib.
Msport.az xəbər verir ki, 40 yaşlı mütəxəssis instaqram səhifəsində azarkeşlərin könlünü almağa çalışıb. Sadıqov azarkeşlərdən birbaşa üzr istəməsə də, “buna layiq deyildiniz” yazıb.
Xatırladaq ki, “Zirə” “Qarabağ”la matçda 34-cü dəqiqədə 1:0 önə keçsə də, sonradan qapısında 7 qol görüb. Qəsəbə təmsilçisi 7 turdan sonra 10 xalla 6-cı yeri tutur.
