"Zirə" büdrədi, "Turan Tovuz" səfərdə qalib gəldi
Azərbaycan Premyer Liqasında 23-cü turun oyunları davam edir.
Msport.az xəbər verir ki, bu gün daha iki görüş keçirilib.
“Zirə” öz meydanında Kəpəz”lə qarşılaşıb. Zirə İdman Kompleksinin stadionunda keçirilən görüş 2:2 hesabı ilə başa çatıb. Bu nəticədən sonra “Zirə” 39 xalla dördüncü, “Kəpəz” isə 17 xalla 10-cu pillədə qərarlaşır.
Günün son matçında “Neftçi” doğma divarlar arasında “Turan Tovuz”la üz-üzə gəlib. Bu komandaların ilk dövrədəki oyununda “Turan Tovuz” 1:0 hesablı qələbə qazanmışdı. Bu dəfə də ssenari dəyişməyib. Tovuz təmsilçisi səfərdən 1:0 hesablı qalibiyyətlə ayrılıb. Bölgə təmsilçisi xallarının sayını 44-ə yüksəldərək, 3-cü pillədəki mövqeyini möhkəmlədib. “Neftçi” isə 31 xalla 7-cidir.
9 mart
Azərbaycan Premyer Liqası
23-cü tur
“Zirə” – “Kəpəz” – 2:2
Qollar: Eren Aydın, 5; Ruan Renato, 90+7 – Rauf Hüseynli, 32; Dioqo Verdaska, 51
Hakimlər: Kamal Umudlu, Namiq Hüseynov, Vüsal Məmmədov, Alik Yunusov
VAR: Elvin Bayramov
AVAR: Cavid Cəlilov
Zirə İdman Kompleksinin stadionu
“Neftçi” – “Turan Tovuz” – 0:1
Qol: Joarlem Santos, 56
Hakimlər: Əliyar Ağayev, Zeynal Zeynalov, Akif Əmirəli, Rəvan Həmzəzadə
VAR: Elçin Məsiyev
AVAR: Müslüm Əliyev
“Palms Sports Arena”
10 mart
19:15. “Sabah” – “Qəbələ”
7 mart
“Karvan-Yevlax” – “Sumqayıt” – 1:1
8 mart
“Qarabağ” – “Araz-Naxçıvan” – 6:0
“Şamaxı” – “İmişli” – 0:0
