“Turan Tovuz” – “Şamaxı” oyununun biletləri satışda
Azərbaycan Premyer Liqasının XVI turunda keçiriləcək “Turan Tovuz” – “Şamaxı” oyununun biletləri satışa çıxarılıb.
Msport.az xəbər verir ki, bu barədə Tovuz klubunun mətbuat xidməti məlumat yayıb.
Biletləri bu gündən Tovuzdakı stadionunun kassasından və şəhərin mərkəzində yerləşən satış məntəqəsindən əldə etmək mümkündür.
2 manatlıq biletlərlə yanaşı məhdud sayda 5 manatlıq biletlər də var.
Oyun 9 dekabr tarixində, saat 19:00-da Tovuz şəhər stadionunda baş tutacaq.
