"Turan Tovuz"un iki aparıcı üzvü "Kəpəz"ə qarşı oynamayacaq
Azərbaycan Premyer Liqasında 19-cu turun oyunları davam edir. Msport.az xəbər verir ki, bu gün “Kəpəz” və “Turan Tovuz” arasında Qərb derbisi var.
Kurban Berdıyevin komandası prinsipial rəqiblə görüşə ciddi itkilərlə çıxacaq. Tovuz klubunun iki aparıcı futbolçusu saat 16:00-da başlayacaq qarşılaşmada meydana çıxmayacaq. Kapitan Şəhriyar Əliyev və hücumçu Aleks Souza cəzalı olduqları üçün komandalarına kömək edə bilməyəcəklər.
Şəhriyar mövsümdə 8-ci sarı vərəqəni, Souza isə 4-cü “sarını” alaraq, cəzalı duruma düşüblər.
