“Turan Tovuz”un məşqçisinə cəza – hakimi söydüyü üçün
“Turan Tovuz”un əvəzedici komandasının məşqçisi Ruslan Məmmədov cəzalandırılıb.
Msport.az xəbər verir ki, mütəxəssis Əvəzedicilər liqasının 34-cü turunda “Neftçi-2” ilə oyundan sonra hakimləri təhqir edib.
Bu, məşqçinin 5 matçlıq diskvalifikasiyasına səbəb olub. Tovuzlular isə 400 manat cərimələnib.
Bölgə komandasının futbolçusu Cavid Qasımov da məşqçisindən geri qalmayıb. O, təcavüzkar davranışa görə 4 oyunluq cəza ilə üzləşib, klubunu 300 manat ziyana salıb.
