UEFA reytinqi: Azərbaycanın mövqeyi dəyişmədi, Rumıniya irəlilədi
UEFA Çempionlar Liqası və Avropa Liqasında həftənin matçlarından sonra ölkələrin UEFA reytinqi müəyyənləşib.
Msport.az xəbər verir ki, Avropa Liqasında Liqa mərhələsinin VII turunun som gününün matçları bəzi dəyişikliklərə səbəb olub.
Azərbaycan 28-ci pillədə qalıb. “Qarabağ” evdə FCSB-ya 2:3 hesabı ilə uduzduğu üçün xal ehtiyatımız artmayıb. Ölkəmizin hesabında 19,625 xal var.
Cari mövsümün qazancı 2,875-dir. Ölkə reytinqi üçün “Zirə” və “Qarabağ” 1,250, “Sabah” 0,250, “Sumqayıt” 0,125 xal əldə edib.
Bakıdakı görüşün nəticəsi Rumıniyanın irəliləməsinə səbəb olub. “Qarabağ” üzərində qələbə sayəsində bu ölkə Slovakiyanı keçərək 25-ci yerə yüksəlib.
Qeyd edək ki, cədvələ İngiltərə başçılıq edir – 102,839 xal.
