UEFA reytinqindəki mövqeyimiz
Ölkələrin UEFA reytinqi açıqlanıb.
Msport.az xəbər verir ki, Avropa Liqasında V, Konfrans Liqasında IV turunda baş tutan matçlar bəzi dəyişikliklərə səbəb olub.
Finlandiya, Yunanıstan, Qazaxıstan və digər ölkələr irəliləyişə imza atıblar. Avropa Liqasında “Lion”a 1:4 hesabı ilə uduzan “Qarabağ” Azərbaycanın xallarını artırmasa da, ölkəmiz mövqeyini qoruyub. Hesabında 19,625 xal olan Azərbaycan Avropada 27-ci pillədədir. 26-cı olan Rumıniya fərqi artıraraq 0,750-yə çatdırıb. zərbaycanla Bolqarıstan arasında fərq isə azalıb. Ölkəmiz ən yaxın izləyicisini 0,250 xal üstələyir.
Cari mövsümün qazancı 2,875-ə bərabərdir. Ölkə reytinqi üçün “Zirə” və “Qarabağ” 1,250, “Sabah” 0,250, “Sumqayıt” 0,125 xal əldə edib.
Qeyd edək ki, cədvələ İngiltərə başçılıq edir – 97,035 xal.
