Vaqif Cavadov: “Qələbə qazana bilmədiyimiz üçün üzülürük”
“Maraqlı oyun alındı. Birinci hissə daha çox bizim üstünlüyümüzlə keçdi”.
Msport.az xəbər verir ki, bunu “Sumqayıt”ın baş məşqçisi Vaqif Cavadov Azərbaycan Premyer Liqasının XXI turunda “Araz-Naxçıvan”la keçirilən matçdan sonra təşkil edilən mətbuat konfransında deyib.
Mütəxəssis qarşılaşmanın 0:0 hesablı bərabərliklə yekunlaşmasına təəssüfləndiyini bildirib: “Təəssüf ki, penaltini qola çevirə bilmədik. Yenə də bu cür rəqiblə görüşdə qazanılan 1 xala görə komandama alqış düşür. Qələbə qazana bilmədiyimiz üçün üzülürük. Lakin göstərdiyimiz mübarizə ilə qələbə əzmimiz artır. Növbəti oyunlara hazırlaşacağıq”.
Qeyd edək ki, “Sumqayıt” hazırda 22 xalla turnir cədvəlinin 6-cı pilləsində qərarlaşıb.
