18 yaşlı futbolçu üçün 100 milyon
“Mançester Siti” “Lill”in 18 yaşlı yarımmüdafiəçisi Ayyub Buaddinin transferini tamamlamağa yaxındır.
Msport.az xəbər verir ki, tərəflər Mərakeş millisinin futbolçusunun keçidi ilə bağlı razılıq əldə ediblər.
“Mançester Siti” Fransa klubuna ilkin olaraq 95 milyon avro, bonuslarla birlikdə isə maksimum 100 milyon avro ödəyəcək.
Buaddi “Lill”in ötən mövsüm Liqa 1-də keçirdiyi 30 matçda iştirak edib. O, Mərakeş millisində debütünü 2026-cı ilin mayında edib və dünya çempionatında yığmanın keçirdiyi altı oyundan beşinə start heyətində başlayıb. Mərakeş turnirdə 1/4 finaladək irəliləyib.
18 yaşlı futbolçunun transferi baş tutacağı halda o, “Mançester Siti” tarixinin ən bahalı futbolçularından birinə çevriləcək.
