“Qarabağ” azarkeşlərə müraciət etdi - Səfər oyunu üçün
“Qarabağ” UEFA Çempionlar Liqasının III təsnifat mərhələsi çərçivəsində səfərdə “Şkendiya” (Şimali Makedoniya) ilə keçiriləcək oyunla bağlı azarkeşlərinə müraciət edib.
Msport.az xəbər verir ki, müraciətdə bildirilib ki, oyunu “National Arena Todor Proeski” stadionunda izləmək və komandanı dəstəkləmək istəyən azarkeşlər üçün ayrılmış vauçerlər bu gün saat 17:00-dan etibarən iTicket.az-da onlayn şəkildə satışda olacaq.
Azarkeşlər əldə etdikləri vauçerləri oyun günü stadionun “North-West Block 26” sektoru qarşısında biletə dəyişməlidir. Biletlərin qiyməti 5 avrodur. Azarkeşlər üçün “National Arena Todor Proeski” stadionunda 1000 yer ayrılıb.
Vauçerləri əldə edən şəxslər vauçerləri biletə dəyişərkən şəxsiyyətini təsdiq edən sənəd üzərinizdə olmalıdır. Vauçerləri biletə dəyişmək üçün kassaların matçın start fitindən 2 saat öncə açılacağı bildirilib.
Qeyd edək ki, “Şkendiya” – “Qarabağ” oyunu avqustun 5-i keçiriləcək və Bakı vaxtı ilə saat 22:00-da start götürəcək.
