“Bavariya”nın futbolçusu Premyer Liqaya qayıdır
“Bavariya”nın futbolçusu Joao Palinya İngiltərə Premyer Liqasına qayıdacaq.
Msport.az xəbər verir ki, “Tottenhem” portuqaliyalı yarımmüdafiəçinin keçidini həll edib.
London klubu 30 yaşlı orta xətt oyunçusunu 30 milyon avroluq satınalma bəndi ilə icarəyə götürəcək. Artıq klublar arasında razılıq əldə olunub.
Qeyd edək ki, “Bavariya” Joao Palinyanı ötən ilin yayında “Fulhem”dən 51 milyon avroya transfer edib. Portuqaliya millisinin üzvü Münhen təmsilçisinin heyətində 19 rəsmi matçda meydana çıxıb.
