Avstriya yığmasının Bakıda oyun öncəsi mətbuat konfransı olmayacaq
AVRO-2024-ün seçmə mərhələsində Azərbaycan millisinin qonağı olacaq Avstriya yığmasının Bakıda oyun öncəsi mətbuat konfransı olmayacaq.
Msport.az saytının əldə etdiyi məlumata görə, baş məşqçi Ralf Ranqnik Azərbaycan paytaxtındakı matçdan öncə jurnalistlər qarşısına çıxmayacaq.
Mətbuat konfransı Avstriyada onlayn formatda təşkil olunacaq. Azərbaycanlı jurnalistlər tədbirə onlayn qoşula bilərlər.
Qeyd edək ki, oktyabrın 16-da Tofiq Bəhramov adına Respublika Stadionunda keçiriləcək Azərbaycan – Avstriya matçı saat 20:00-da başlayacaq.
