Azərbaycanlı futbolçu yenidən Albaniya klubunda
Vüsal İsgəndərli karyerasını yenidən Albaniyada davam etdirəcək.
Msport.az xəbər verir ki, 29 yaşlı yarımmüdafiəçi “Partizani” ilə anlaşıb.
Millimizdə də çıxış etmiş cinah oyunçusu yeni komandası ilə 1+1 illik müqavilə imzalayıb. O, daha əvvəl 2023-24 mövsümündə Albaniyada “Eqnatia”nın formasını geyinib.
Qeyd edək ki, son olaraq ötən mövsüm “Boluspor”da çıxış edən Vüsal İsgəndərli Türkiyə I Liqasında 22 oyunda 1 qol vurub, 3 məhsuldar ötürmə verib.
