Bakıda beynəlxalq atletika yarışı
Əməkdar məşqçi Aleksandr Antipovun xatirəsinə həsr olunmuş atletika üzrə Bakı beynəlxalq qış yarışı keçiriləcək.
Azərbaycan Atketika Federasiyasından Msport.az-a verilən məlumata görə, turnir fevralın 2-3-də Respublika Olimpiya Mərkəzində təşkil olunacaq.
Yarışda Azərbaycan, Qazaxıstan, Qırğızıstan və Saxa Respublikasından (Yakutiya) atletlər güclərini sınayacaqlar.
Turnir Paris-2024 Yay Olimpiya Oyunlarına lisenziya xarakteri daşıyır.
