“Bavariya” tarixinin ən gənc qolçusu
“Bavariya”nın yarımmüdafiəçisi Lennart Karl UEFA Çempionlar Liqasında yeni rekorda imza atıb.
Msport.az xəbər verir ki, o Münhen komandasının turnirdə qol vuran ən gənc futbolçusu olub.
Almaniyalı oyunçu Liqa mərhələsinin III turunda “Brügge”yə qarşı matçın (4:0) 5-ci dəqiqəsində fərqlənib. O, qol vurarakən 17 yaş 242 günlüyündə olub.
“Bavariya”da əvvəlki rekord yarımmüdafiəçi Camal Musialaya aid idi. O, 2021-ci ilin fevralında UEFA Çempionlar Liqasının 1/8 finalında “Latsio” ilə oyunda fərqlənərkən Karldan 121 gün böyük olub.
Qeyd edək ki, 2025-26 mövsümündə Karl bütün turnirlərdə meydana çıxıdığı 9 oyunda 1 qola və 1 məhsuldar ötürməyə imza atıb.
