“Bayer” Çexiya millisinin hücumçusunu heyətdə saxladı
Çexiya millisinin üzvü Patrik Şik “Bayer Leverkuzen”lə müqavilə müddətini artırıb.
Msport.az klubun rəsmi saytına istinadən xəbər verir ki, 26 yaşlı futbolçunun yeni anlaşması 2027-ci ilin yayına kimi nəzərdə tutulub. Əvvəlki müqavilə 2024-2025-ci illər mövsümünün sonuna qədər idi.
Hücumçu yeni müqavilə bağlaması ilə bağlı fikirlərini bildirib: “Özümü burda əla hiss edirəm. Amma ən önəmlisi bizim komanda gələcəyə ümidlidir. Bu uşaqlarla çox şəndir və biz həqiqətən hansısa irəliləyişə nail olmaq istəyirik. Çempionlar Liqasının təsnifat mərhələsi – növbəti addım olacaq. “Bayer”lə çox şeyə nail olmaq mümkündür, ona görə də mən müqaviləmi uzatdım”.
Şik son mövsümdə Leverkuzen klubunun heyətində bütün turnirlərdə 31 oyunda 24 qol vurub və 5 məhsuldar ötürmə verib.
