Bayraq aparan uşaqdan kubok sahibinə çevrilən qəhrəman - Miranda
2005-ci ildə “Betis” ikinci dəfə İspaniya kubokunu qazanarkən yerli mətbuatda bir uşağın fotosu yayılmışdı. 5 yaşlı həmin uşaq “Betis”in bayrağını çətinliklə əlində apararaq qələbəni qeyd edir. Və 17 ildən sonra həmin uşaq artıq Sevilya klubuna “Copa Del Rey”i qazandıranlardan biri oldu.
Msport.az xəbər verir ki, söhbət “Betis”in müdafiəçisi Xuan Mirandadan gedir. “Betis”in “Valensiya”nı oyunsonrası penalti zərbələri ilə məğlub etdiyi görüşdə (5:4) məhz həlledici topu Miranda vurdu.
