"Bir klubda 3 Benzema olsaydı, üçü də oynayardı" - Joze Mourinyo
“Roma”nın baş məşqçisi Joze Mourinyo Kərim Benzemanın “Qızıl Top”u qazanmasına münasibət bildirib.
Msport.az “L`Equipe”ə istinadən xəbər verir ki, portuqaliyalı mütəxəssis “Real”ın hücumçusunu fenomenal futbolçu kimi qiymətləndirib:
“Kərimin əla xasiyyəti var. O, komanda oyunçusudur, özünü, çox qol vurmasını fikirləşmir. “Qızıl top” mükafatı onun peşəkar inkişafına verilən qiymətdir. Onun məşqçisi olanda Kərim özünü axtaran istedadlı futbolçu idi. Onun həmişə ambisiyaları var idi. İstəyirdim ki, çox tez inkişaf etsin. Bilmirəm, Benzemanın inkişafında xidmətim olubmu, bunu onun özü deyə bilər.
Benzema fenomenal futbolçudur. O, öz potensialının, taktiki və fiziki bacarıqlarının pik səviyyəsindədir. Kərim çoxşaxəli oyunçudur. Əgər böyük klubda 3 Benzema olsaydı, onların üçü də oynayardı. Biri bombardir olardı, digəri komandanın lideri, üçüncü də sol cinahda çıxış edərdi”.
