"Bizdə yeni transferlər olmayacaq" - Karlo Ançelotti
“Real”ın baş məşqçisi Karlo Ançelotti yayda yeni futbolçular almayacağını deyib. Msport.az xəbər verir ki, italiyalı mütəxəssis komandada hər şeyin qaydasında olduğunu bildirib:
“Tçuameni və Ryüdiqerin gəlişindən sonra komandanın səviyyəsi yüksələcək. Antonio əla mərkəz müdafiəçisidir. O, bir neçə mövqedə oynaya bilər. Orelyen də yarımmüdafiədə fərqli yerlərdə mübarizə aparmağı bacarır. O, gəncdir, lakin artıq Fransa millisində çıxış edir.
Komandada rəqabətin olması uğurun açarıdır. Əlbəttə, bu futbolçulara adaptasiya üçün müəyyən qədər vaxt lazım olacaq. Lakin bu müddət tez keçəcək, çünki onlar çox yaxşı futbolçulardı.
Sizə deyə bilərəm ki, bizdə yeni transferlər olmayacaq. Bizdə belə də hər şey qaydasındadır”.
