"Çelsi"də ciddi itki - "Real"a qarşı oynaya bilməyəcəklər
Romelu Lukaku və Sesar Aspilikueta Çempionlar Liqasının 1/4 finalında “Real”la cavab oyununu buraxacaqlar.
Msport.az Britaniya mətbuatına istinadən xəbər verir ki, bu barədə “Çelsi”nin baş məşqçisi Tomas Tuhel məlumat verib: “Lukaku zədəlidir. Aspilikuetanın isə COVID testi müsbət çıxdı”.
Qeyd edək ki, “Real” – “Çelsi” çərşənbə axşamı keçiriləcək. Bu komandalar arasında ilk matçda Madrid təmsilçisi 3:1 hesabı ilə qalib gəlib.
