“Çelsi”nin hədəfindəki 18 yaşlı müdafiəçi
“Çelsi” “Atalanta”nın mərkəz müdafiəçisi Onest Ahanorla maraqlanır.
Msport.az xəbər verir ki, London klubunun nümayəndələri 18 yaşlı futbolçunun inkişafını izləyir və onu gələcək üçün potensial transfer hədəfi kimi nəzərdən keçirirlər.
“Atalanta” bu yay Ahanorla bağlı adı açıqlanmayan klublardan gələn iki təklifi artıq rədd edib. Müdafiəçi Berqamo təmsilçisinin heyətində bütün turnirlərdə 35 oyun keçirib və bir qol vurub.
Futbolçunun bazar dəyəri 30 milyon avro qiymətləndirilir. Ahanorun “Atalanta” ilə müqaviləsi 2028-ci ilə qədər qüvvədədir.
