Cerrard yenidən “Qlazqo Reyncers”ə qayıda bilər
“Liverpul”un əfsanəsi Stiven Cerrard yenidən “Qlazqo Reyncers”ə qayıda bilər. Msport.az xəbər verir ki, İngiltərə millisinin sabiq üzvü Rassel Martini əvəzləməyə namizəd sayılır.
45 yaşlı mütəxəssis 2018-2021-ci illərdə Şotlandiya klubuna rəhbərlik edib. O, 2021-ci ildə bu komandaya çempionuq qazandırıb.
Qeyd edək ki, Cerrard iki il Səudiyyə Ərəbistanının “Əl İttifaq” klubunda çalışdıqdan sonra bu ilin yanvarından işsizdir.
“Qlazqo Reyncers” 7 oyundan sonra 8 xalla 8-ci yeri tutur. Komanda prinsipial rəqibi “Seltik”dən 11 xal geri qalır.
