DÇ-2026: Kanada Qətəri 6 cavabsız qolla üstələdi
Dünya çempionatında Kanada Qətər millisini böyük hesabla məğlub edib.
Msport.az xəbər verir ki, “BC Place” stadionunda keçirilən B qrupunun II turunun matçında Şimali Amerika təmsilçisi 6:0 hesablı qələbəyə sevinib.
Kanadanın heyətində Conatan Devid (29, 45+4, 90+2) het-trik edib. Kayl Larin (16), Neytan Saliba (66) və Manay Mohamed (75-öz qapısına) digər qolları vurublar.
Qeyd edək ki, bu qrupun digər oyununda İsveçrə Bosniya və Herseqovina yığmasını 4:1 hesabı ilə üstələyib.
