Dünya çempionatı: Millimiz İraqa qarşı
Bu gün minifutbol üzrə Azərbaycan milli komandası Birləşmiş Ərəb Əmirliklərində keçirilən dünya çempionatında mübarizəyə başlayacaq.
Msport.az xəbər verir ki, yığma G qrupundakı ilk matçında İraq seçməsi ilə qarşılaşacaq. Görüş Bakı vaxtı ilə saat 21:00-da start götürəcək.
Bu qrupun dünən keçirilmiş açılış matçında Misir Küveytə iki cavabsız qolla qalib gəlib.
Qeyd edək ki, Azərbaycan millisinin qrupda növbəti oyunu oktyabrın 29-da Misirə qarşı olacaq. Dünya çempionatına noyabrın 4-də yekun vurulacaq.
