“Fənərbağça” “Kəpəz”in rekorduna yaxınlaşdı
Türkiyənin “Fənərbağça” klubu ən uzun qələbə seriyası ilə bağlı rekordu təkrarlaya bilər.
Msport.az xəbər verir ki, ardıcıl 21 qalibiyyəti olan İstanbul nəhəngi qarşıdakı yeddi oyunda da xal itirməsə, buna nail olacaq.
Hazırda bu seriya üzrə ən yaxşı göstərici Uelsin “Nyu-Seynts” komandasına məxsusdur – 28 qələbə.
Ən uzun qələbə seriyasına malik komandalar arasında “Kəpəz” də var. Gəncə təmsilçisi 1997 – 1998-ci illərdə ardıcıl 22 oyunda xal itirməyib. “Fənərbağça” növbəti qələbə sayəsində Azərbaycan təmsilçisinə çatacaq.
