“Gələn mövsüm burada görüşənədək”
“Real”ın yarımmüdafiəçisi Luka Modriç Madrid klubundakı gələcəyi ilə bağlı sualı cavablandırıb.
Msport.az İspaniya mətbuatına istinadən xəbər verir ki, xorvat futbolçu qarşıdakı mövsümdə də “kral klubu”nda olacağını bildirib:
“Bəli! Gələn mövsüm burada görüşənədək”.
Daha əvvəl 36 yaşlı xorvatla “Real” arasında müqavilənin uzadılması ilə bağlı şifahi razılığın iki ay əvvəl əldə edildiyi, hazırda lazımi sənədlərin imzalandığı bildirilirdi. Müqavilə 2022/23 mövsümünün sonuna qədər nəzərdə tutulub.
Modriç ötən mövsüm “Real”ın heyətində 45 oyunda 3 qol vurub və 12 məhsuldar ötürmə edib.
