Günün oyunu - Portuqaliya- Türkiyə
Bu gün DÇ-2022-nin pley-off oyunlarına start veriləcək.
Msport.az xəbər verir ki, əvvəlcədən 6 qarşılaşmanın keçirilməsi planlaşdırılsa da, bu gün 4 matç olacaq. FİFA Ukraynaya hücum səbəbindən Rusiya millisini yarışdan kənarlaşdırıb və komandanın Polşa ilə oyunu keçirilməyəcək. Ruslara texniki məğlubiyyət verildiyi üçün Polşa finala vəsiqə qazanıb. Ukrayna – Şotlandiya ilə matçı isə iyuna təxirə salınıb.
Türkiyə millisi səfərdə Portuqaliyanın qonağı olacaq. Avropa çempionatının son qalibi İtaliya yığmasının rəqibi isə Şimali Makedoniya olacaq.
Qeyd edək ki, pley-off mərhələsində hər qrupda 1 görüşdən ibarət yarımfinal və final oyunları keçirilir. Final görüşləri martın 28 və 29-da olacaq. A yolunda Rusiya texniki məğlubiyyət aldığı üçün pley-off-un finalında Polşa Uels-Avstriya cütünün qalibi ilə üz-üzə gələcək.
Mundialın final mərhələsinin püşkatma mərasimi isə apreldə olacaq.
Xatırladaq ki, bu dünya çempionatı futbolu tarixində ilk dəfə yay aylarında yox noyabr-dekabrda keçiriləcək.
DÇ-2022
Pley-off mərhələsi, Yarımfinal
24 mart
A yolu
23:45. Uels – Avstriya
B yolu
23:45. İsveç – Çexiya
C yolu
23:45. İtaliya – Şimali Makedoniya
23:45. Portuqaliya – Türkiyə
