"İmişli" millimizin müdafiəçisini transfer etdi - RƏSMİ
“İmişli” heyətinə daha bir yerli futbolçu cəlb edib.
Msport.az xəbər verir ki, əyalət klubu Azərbaycan milli komandasına da dəvət alan Bəxtiyar Həsənalızadə ilə 1 illik müqavilə imzalayıb.
29 yaşlı mərkəz müdafiəçisi son mövsümü “Araz-Naxçıvan”da keçirib. O, karyerası ərzində “Sumqayıt”, “Zirə”, “Sabah” və Türkiyənin “Tuzlaspor” klublarında çıxış edib.
Qeyd edək ki, “İmişli” bu gün Fərid Nəbiyevin də transferini açıqlamışdı.
