İngiltərə - İtaliya matçında təhlükəsizlik tədbirləri gücləndiriləcək
Avro-2024-ün seçmə mərhələsində bu gün İngiltərə – İtaliya matçına ev sahibliyi edəcək “Uembli” stadionunda təhlükəsizlik tədbirləri gücləndiriləcək.
Msport.az xəbər verir ki, buna ötən gün Belçika – İsveç oyunu zamanı Brüsseldə iki isveçli azarkeşin qətlə yetirilməsi səbəb olub.
Londonun baş müfəttişi Gerri Parker bildirib ki, təhlükəsizlik əməkdaşları irimiqyaslı tədbirlərdə asayişi qorumaqda təcrübəlidirlər: “Cinayət və nizamsızlıq ehtimalını azaltmaq, baş verə biləcək hər hansı insidentə vaxtında reaksiya vermək üçün çevik plan mövcuddur”.
Qeyd edək ki, Belçika – İsveç oyunu iki azarkeşin güllələnərək qətlə yetirilməsi səbəbindən təxirə salınıb.
İngiltərə – İtaliya görüşü isə bu gün keçiriləcək.
